Тошкентнинг “Бунёдкор” жамоаси “В” гуруҳидаги энг тажрибали клуб бўлиб турибди.
Гап шундаки, 2014 йилни ҳам қўшиб ҳисоблаганда “қалдирғочлар” қитъамизнинг клублар ўртасидаги энг нуфузли турнири – Осиё Чемпионлар лигасида еттинчи бор иштирок этишади.
Бу борада Саудия Арабистони чемпиони “Ал-Фотиҳ” клуби мусобақа дебютанти ҳисобланади.
Эроннинг “Фулад” клуби эса бунгача фақатгина бир маротаба – 2006 йилги турнирда ўз омадини синаб кўрган. Ўшанда форслар гуруҳ босқичидан чиқа олишмаган.
Плей-офф босқичи якунлангач, “В” квартетини тўлдириши мумкин бўлган клублар ҳам Чемпионлар лигасида кўп мавсум қатнашишмаган: “Ал-Райян” Қатар (6), “Ал-Қодисия” Қувайт (4), “Банияс” БАА (2), “Ал-Жайиш” Қатар (2).
Баҳодир МИРЗАЕВ
Куала-Лумпур, Малайзия
