"Спорт экспресс" нашри танаффусга йўл олган Россия премьер-лигасининг биринчи қисмидаги энг яхши беш нафар ҳимоячиларини эълон қилди. Бунда нашр ҳар бир турдан кейин футболчиларга қўйиб бориладиган балларни инобатга олди.

"СЭ" хулосасига кўра, Россия чемпионати биринчи қисмининг энг яхши ҳимоячиси дея "Локомотив" ҳимоячиси Виталий Денисов топилди.

"Виталий Денисов — 5,96
Ўтказиб юборилган голлар сони (16та) бўйича "Локомотив" жадвалда 2-ўринни эгаллаб турибди. Улардан олдинда "Рубин" бормоқда (14та). Фақат қозонликлар темирйўлчиларга нисбатан 14та гол камроқ уришган. Урилган ва ўтказиб юборилган голлар фарқи борасида эса Леонид Кучук шогирдларига тенг келадиган жамоа топилмади.

Денисов эса "Локомотив" мудофаа тўртлигининг энг муҳим аъзосига айланди. Ўзбекистонлик легионер — меҳнаткаш футболчи, ўз қаноти бўйлаб тинимсиз ҳаракат қилади. Унинг ўз вазифаларини бажараётганини кўриб, кўзинг қувнайди, агар у ҳужумга қўшилса, рақиб эҳтиёт бўлиши лозим. "Ростов"га қарши ўйинда (5:0, 6-тур), нақ 4та (!) голли пас узатганини унутиб бўларканми?! Бундай ҳимоячилари бор чемпионат — албатта бахтли".

Энг яхши ҳимоячилар рўйхатига яна қуйидаги футболчилар ҳам киритилди:

Роман Шишкин ("Локомотив") – 5,93
Игорь Смольников ("Зенит"/"Краснодар") – 5,85
Ведран Чорлука ("Локомотив") – 5,83
Сергей Игнашевич (ЦСКА) – 5,82