Бугун Швейцариянинг Ньон шаҳрида Европа чемпионлар лигасининг нимчорак финал босқичига қуръа ташлаш маросими бўлиб ўтади. Маросим Тошкент вақти билан соат 16:00да бошланади.

Эслатиб ўтамиз, қуръада 16та жамоа иккита саватчага ажратилишган. Ўз гуруҳларида 1-ўринни эгаллаб, плей-оффга чиққанлар "сараланган" саватчада бўлишса, 2-ўринни олганлар "сараланмаган" саватчадан қуръага тортилишади. Нимчорак финалда бир мамлакат вакиллари ва бир гуруҳда ўйнаган жамоалар бир-бирларига рўбарў келишмайди.

Ўйинлар 18/19 ва 25-26 февраль кунлари бўлиб ўтади. "Сараланганлар" биринчи ўйинни сафарда ўтказишади.

«Сараланганлар»: «Манчестер Юнайтед», «Реал», «ПСЖ», «Бавария», «Челси», «Боруссия» Дортмунд, «Атлетико», «Барселона».

«Сараланмаганлар»: «Байер», «Галатасарой», «Олимпиакос», «Манчестер Сити», «Шальке-04», «Арсенал», «Зенит», «Милан».