Бугун Швейцариянинг Ньон шаҳрида Европа лигасининг плей-офф босқичига ҳам қуръа ташланади. Ушбу маросим Тошкент вақти билан соат 17:00да бошланади.

Эслатиб ўтамиз, 32 жамоа 2та саватчага ажратилишади. "Сараланганлар" саватчасидан 12та гуруҳ ғолиблари ва ЕЧЛ гуруҳ босқичида 3-ўринни эгаллаган 4та энг яхши жамоа ўрин олишади. "Сараланмаганлар" саватчасида эса гуруҳларда 2-ўринни эгаллаган 12та жамоа ва ЕЧЛдан қўшилган 4та жамоа бўлади.

Европа лигасининг 1/16 финалида бир мамлакат вакиллари ва битта гуруҳда ўйнаган жамоалар ўзаро тўқнаш келмайдилар. Ушбу босқич ўйинлари 20 ва 27 февраль кунлари бўлиб ўтади.

«Сараланганлар»: «Айнтрахт» Франкфурт, АЗ, «Базель», «Бенфика», «Валенсия», «Генк», «Зальцбург», «Лудогорец», «Лион», «Наполи», «Рубин», «Севилья», «Тоттенхэм», «Трабзонспор», «Фиорентина», «Шахтёр».
«Сараланмаганлар»: «Анжи», «Аякс», «Бетис», «Виктория», «Динамо» Киев, «Днепр», «Лацио», «Маккаби» Тель-Авив, «Марибор», ПАОК, «Порту», «Слован» Либерец, «Суонси», «Черноморец», «Эсбьерг», «Ювентус».