Яна бир неча дақиқалардан сўнг, аниқроғи Тошкент вақти билан соат 16:00да ЕЧЛнинг 1/8 финал босқичига қуръа ташлаш маросими бошланади. Ушбу маросимни сайтимиз орқали матнли трансляция қилиб борамиз.

Демак, қуръада 16та жамоа иккита саватчага ажратилишган. Ўз гуруҳларида 1-ўринни эгаллаб, плей-оффга чиққанлар "сараланган" саватчада бўлишса, 2-ўринни олганлар "сараланмаган" саватчадан қуръага тортилишади. Нимчорак финалда бир мамлакат вакиллари ва бир гуруҳда ўйнаган жамоалар бир-бирларига рўбарў келишмайди.

Саватчалар таркиби қуйидагича:
«Сараланганлар»: «Манчестер Юнайтед», «Реал», «ПСЖ», «Бавария», «Челси», «Боруссия» Дортмунд, «Атлетико», «Барселона».

«Сараланмаганлар»: «Байер», «Галатасарой», «Олимпиакос», «Манчестер Сити», «Шальке-04», «Арсенал», «Зенит», «Милан».

16:00. Маросим бошланди. УЕФА бош котиби қўзга чиқиб, қуръа ҳақида маълумот бермоқда. Жаноб Инфантино ЕЧЛ гуруҳ босқичига оид статистик маълумотлар билан таништирди. Сўнгра, нимчорак финалга чиққан жамоаларнинг ўйинларидан видеолавҳалар намойиш этилди.

16:05. Жанни Инфантино саҳнага Луиш Фигуни таклиф қилди. У ЕЧЛ финал баҳси бўлиб ўтадиган Лиссабон шаҳри элиси ҳисобланади. Шунингдек, саҳнага УЕФА мусобақаларни ўтказиш департаменти директори Жоржио Маркетти ҳам таклиф этилди.

16:10. Маркетти қуръа тартиби ва механзими ҳақида маълумот берди. Бу ҳақда ўзбекистонлик мухлислар ҳам аллақачон маълумотга эга. 1/8 финалнинг дастлабки ўйинлари ўз гуруҳларида 2-ўринни эгаллаган жамоалар майдонида ўтишини эслатиб ўтамиз. Демак, дастлаб "сараланмаганлар" саватчасидан шарча тортилади.

16:12. Қуръа жараёни бошланди. Иккинчи саватчадан "Манчестер Сити" клуби чиқди ва унга "Барселона" рақиб бўлди! Даҳшат!

Қуръа ташлаш маросими якунланди. Нимчорак финал босқичидаёқ мухлисларни ўта қизиқарли ўйинлар кутмоқда. Айрим кучли жамоалар ушбу босқичданоқ мусобақани тарк этишга мажбур бўлишади. Бу — қуръа.