Россиянинг Sportbox.ru сайти якунланаётган йилда Премьер-лига якунлари борасида тўхталиб, чемпионатнинг энг яхши легионерларига тўхталган. Сайт фақат МДҲ ва Болтиқбўйи давлатларидан ташриф буюрган футболчилардан иборат рамзий терма жамоани тузиб чиққан.

"Локомотив" футболчиси Виталий Денисов мазкур терма жамоадан ўрин олди.

"Виталий Денисов — "Локомотив"нинг ажойиб топилмаси. Андрей Ешенко "Анжи"га ўтиб кетганидан кейин "темирйўлчилар" раҳбариятини койишга тушишганди. Денисов эса мухлисларни ушбу йўқотишни унутишга мажбур қилди. Фаоллик ва жонболик — қанот ҳимоячисининг икки муҳим хислати. Шунингдек, Виталий ўзининг самарали ҳаракатлари билан ҳам ажралиб турди. Ушбу йилда у битта гол урди ва 5та голли пас узатди", дея ёзади Sportbox.ru.

Рамзий терма жамоанинг тўлиқ таркиби эса қуйидаги расмда кўрсатилган.