Клублар ўртасидаги Жаҳон чемпионатининг иккинчи ярим финалчиси ҳам аниқ бўлди. Марокаш чемпиони сифатида мусобақада иштирок этаётган «Ража Касабланка» жамоаси кетма-кет учинчи ғалабани қўлга киритиб, финалга чиқишга муваффақ бўлди.

Марокашликлар бу сафар Либертадорес кубоги соҳиби, Бразилиянинг «Атлетико Минейро» жамоасини тор-мор этишди. Биринчи бўлимда ҳисоб очилмади, ўйиндаги барча голлар иккинчи бўлимда киритилди. Бўлим бошида Яжур ҳисобни очган бўлса, орадан кўп ўтмасдан Роналдиньо мувозанатни тиклади. Ўйин тугашига 6 дақиқа қолганида Мутуалий пенальтидан, ўйиннинг энг сўнгги дақиқасида эса Мабиде урган голлар мезбонларга муҳим ғалабани тақдим этди.

Шу тариқа, 21 декабрь, шанба куни клублар ўртасидаги ЖЧнинг финалида "Бавария" ва "Ража Касабланка" жамоалари тўқнаш келишади. "Гуанжоу Эвергранд" ва "Атлетико Минейро" жамоалари баҳс юритишади.

Мексиканинг "Монтеррей" клуби эса 5-ўрин учун баҳсда Мисрнинг "Ал-Аҳли"си устидан 5:1 ҳисобида ғалаба қозонди.

Клублар ўртасида ЖЧ. Ярим финал
"Ража Касабланка" (Марокаш) – "Атлетико Минейро" (Бразилия) 3:1 (0:0)
Голлар:  1:0 – 51 Яджур, 1:1 – 64 Роналдиньо, 2:1 – 84, пенальти Мутуали, 3:1 – 90 Мабиде.
Ража Касабланка – Аскрий, Керруший, Улҳаж, Ал-Ҳошимий, Бельмаалем, Штибий (Мабиде, 55), Мутуали, Геи, Раки, Яжур (Кулибали, 87), Хафидий (Канда, 76).
Атлетико Минейро – Виктор, Леонардо Силва, Роша (Луан, 63), Ревер, Роналдиньо, Лукас Кандидо (Александро, 85), Пьер, Жосуэ (Донизете, 58), Фернандиньо, Тарделли, Жо.

5-ўрин учун баҳс
"Ал-Аҳли" (Миср) – "Монтеррей" (Мексика) 1:5 (1:4)
Голлар: 0:1 – 3 Кардосо, 1:1 – 8 Мотеаб, 1:2 – 22 Дельгадо, 1:3 – 27 Лопес, 1:4 – 45, пенальти Суасо, 1:5 – 65 Дельгадо.