Мухлисларга яхши маълумки, айни пайтда кўплаб жамоалар машғулотларга зўр беришган. Кечадан "Андижон" ҳам янги мавсумга тайёргарликни бошлаганини айтиб ўтгандик. Иккинчи кунги машғулотлар ҳақида клублар расмий сайти хабар беради.
Бугун йиғиннинг иккинчи кунида машғулотлар Экин-тикинда олиб борилди. У ерда футболчилар асосан кросс югуриш машқларини бажаришди. Бугунги машғулотларда 23 нафар футболчи иштирок этди.
Эртанги машғулотлар Шўрбулоқ даҳасидаги сунъий қопламали майдонда олиб борилади. Машғулотларда бир қатор ўйинчилар кўрикдан ўтказилмоқда. Шунингдек, жамоа бир қатор тажрибали футболчилар билан ҳам музокаралар олиб бормоқда. Йиғин 30 декабрга қадар давом этади.
Манбада кўрикдан ўтаётган футболчилар айнан ким эканлигига аниқлик киритилмаган.
