Янги мавсумга қизғин ҳозирлик кўраётган “Нефтчи” жамоаси бугун икки таркибга бўлиган ҳолда ўйин ўтказди. Учрашувда “Қизиллар” 3:2 ҳисобида ғалаба қозонишди. Бу ҳақда клуб расмий сайти шундай ёзади.
“Қизиллар”дан голларни Рўзимбой Аҳмедов, Маъруф Муродов, Отабек Ҳайдаровлар киритишди. “Яшиллар”дан эса Отабек Ҳайдаров ва Отабек Зокировлар (пенальтидан) рақиб дарвозасини ишғол этишди. Отабек Ҳайдаров ҳар икки жамоа сафида ҳаракат қилиб биттадан тўп киритди.
Машғулотларда ўтган мавсумни “Шўртан”да ўтказган Шавкат Раимқулов ва “Бунёдкор” ўринбосарлари сафида тўп сурган Зокир Нурматовлар иштирок этишмоқда. Шуни ҳам айтиш жоизки, шу куни “Яшиллар” дарвозасини Фаррух Турдалиев қўриқлади.
Селекция ишлари давом этмоқда. Бир қатор футболчилар билан шартнома узайтирилди.
