«Барселона» бош мураббийи Херардо Мартино жамоа ҳужумчиси Лионель Мессининг вице-президент Хавьер Фаус ҳақида айтган фикрларига эътибор бермаслигини таъкидлади. Хабарингиз бор, Месси Фауснинг футболи умуман тушунмаслигини айтган эди.
«Мен бундай нарсаларга эътибор бермасликка ҳаракат қиламан. Яхшиси жамоамнинг қандай ўйнаётгани ҳақида бош қотираман. Менимча, бу футболга боғлиқ нарса эмас. Менинг ишим эса футбол.
Месси жароҳатидан кейин майдонга тушади. Ҳозирча у Розариода шуғулланмоқда. Тахминан 26-29 декабр кунлари у билан кўришиб қолсак керак»,- дейди мураббий.