Бразилиянинг "Атлетико Минейро" жамоаси клублар ўртасидаги Жаҳон чемпионатида 3-ўринни эгаллади. Бироқ Роналдиньо жамоадошларига бу ишни амалга ошириш осон бўлмади.

Либертадорес кубоги соҳиби "Гуанжоу Эвергранд"га қарши ўйиннинг 2-дақиқасида ҳисобда очди. Бироқ Хитой клубининг бразилиялик футболчилари — Мурикуи ва Конка биттадан гол уриб, осиёликларни ҳисобда олдинга олиб чиқишди. Биринчи бўлимда "Атлетико"нинг ўйини унчалик қовушмади. Роналдиньо эса бўлимнинг сўнгги дақиқасида амалга оширган 2та жарима тўпидан биттасини голга айлантириб, ҳисобни тенглаштирди.

Иккинчи бўлимда эса хавфлли вазиятларни кўпроқ бразилияликлар юзага келтиришди. Марчело Липпи шогирдлари эса яхши ҳимояланишди. Ўйин тугашига 3 дақиқа қолганида Роналдиньо жарима тўпи ишлаш мақсадида аввалига симуляция ишлатди ва кейин ётган ҳолда тўп олиб қўймоқчи бўлган хитойлик ҳимоячига оёғи билан зарба берди. Ўйинни бошқариб борган эронлик Алиризо Фағоний уни майдондан четлатди.

Иккинчи бўлимга қўшиб берилган 3 дақиқанинг дастлабкиси бошланган пайтда "Атлетико Минейро" тезкор қарши ҳужум уюштирди ва Луан дарвозабон билан бирга-бир вазиятга чиқиб, жамоасининг учинчи голини урди. Ҳисобни тенглаштириш учун "Гуанжоу" ихтиёрида ҳаддан ташқари кам вақт қолганди. Улар улгуришмади.

Шу тариқа "Атлетико Минейро" бронза медали билан қайтадиган бўлди. «Бавария» ва «Ража Касабланка» ўртасидаги финал баҳси соат 00:30да бошланади.

Клублар ўртасида ЖЧ. 3-ўрин учун баҳс.
"Гуанчжоу Эвергранд" (Хитой) – "Атлетико Минейро" (Бразилия) - 2:3 (2:2)
Голлар: 0:1 – 2 Тарделли, 1:1 – 9 Мурики, 2:1 – 15, пенальти Конка, 2:2 – 45 Роналдиньо, 2:3 – 90 Луан.
"Гуанчжоу" – Ли, Сян (Рон, 64), Ким Юн Гвон, Фэн, Чжэн (С. Чжао, 85), Конка, Элкесон (Фэн, 77), Хуан, Чжан, Гао, Мурики.
"Атлетико Минейро" – Виктор, Леонардо Силва, Роша, Ревер, Роналдиньо, Лукас Кандидо (Жуниор Сезар, 34), Пьер, Жосуэ (Донизете, 79), Фернандиньо, Тарделли, Жо (Луан, 60).
Огоҳлантиришлар: Лукас Кандидо (14), Сян (33), Ревер (90).
Четлатиш: Роналдиньо (87).