"Арсенал" бош мураббийи Арсен Венгернинг фикрича, еврокубокларнинг плей-офф босқичида сафарда урилган қоидасини бекор қиладиган вақт келди.

"Ўтган йили биз ЕЧЛни сафарда урилган гол қоидасига кўра тарк этганимиздан кейин мен УЕФАга ушбу қоидани бекор қилиш бўйича мурожаат қилгандим. Эсланг, биз "Бавария"га ўз майдонимизда 1:3 ҳисобида ютқазиб, сафарда 2:0га ютгандик. Мюнхенликлар дарвозасига уларнинг стадионида 2та гол уриш қийин иш. Сафардаги голнинг қадри ҳаддан ташқари баланд ва бу замонавий футбол учун адолатсизлик. УЕФА масъул шахслари менинг таклифимдан ҳайрон бўлишди. Замонавий футболда рақиб ҳақида маълумот топиш муаммо эмас. Ҳозирги кунда уй ва сафар ўйинларида катта фарқ йўқ. Кўпчилик ўз уйида ёпиқ ўйин намойиш қила бошлади. Мақсад — қандай қилиб бўлмасин ўз дарвозаси дахлсизлигини сақлаб қолиш. Мураббийлар ҳам уйда гол ўтказиб юбормаслик ҳақида кўрсатма беришмоқда", дейди Венгер.