Уэльснинг «Суонси» жамоаси бугун премьер лига доирасида Ливерпулнинг «Эвертон» жамоасига қарши баҳс олиб боради. Микаэль Лаудруп жамоаси бугунги баҳсда АПЛдаги жамоалари ичида биринчи бўлиб 10 мингтадан кўп тўп узатган жамоага айланишлари мумкин. Ҳозиргача «оққушлар» премьер лига ўйинлари давомида 9 минг 549 марта тўп узатишган. Бу ҳар ўйинда 597та узатма демакдир. Статистика алдамаса «Суонси» бугун бу натижани қайд этади.
Хабарингиз бор, Брендан Роджерс жамоа бош мураббийи бўлган вақтларда «Суонси» тўп узатиш бўйича Европа жамоалари ичида фақат «Барселона»дан ортда қолган эди.
