Потугалия ҳамда Греция футбол федерациялари ҳар икки терма жамоаларнинг ўртоқлик ўйини ўтказишлари борасида келишувга эришишди.
Халқаро ўртоқлик ўйини келаси йилнинг 31 майида Португалияда бўлиб ўтади. Хабарингиз бор, ҳар икки жамоа ҳам жаҳон чемпионатида иштирок этишади. Греция терма жамоасини айнан португалиялик Фернанду Сантуш бошқариши ҳам принципиаллик касб этиши табиий.
Эслатиб ўтамиз, 2004 йил Португалияда бўлиб ўтган Европа чемпионатининг очилиш ҳамда финал ўйинларида Португалия ва Греция терма жамоалари тўқнаш келишганди. Ўшанда Отто Рихагел бошчилигидаги греклар ҳар икки ўйинда Луис Фелиппе Сколари мураббийлигидаги Португалияни мағлуб этишганди 2:1, 1:0.
