Украинанинг Segodnya.ua сайти хориж чемпионатларида тўп сураётган украиналик футболчилардан ташкил топган рамзий терма жамоани тузиб чиқди. Ҳужум чизиғига "Бунёдкор" тўпурари Александр Пишурни ҳам киритган.

Александр Пишур ("Бунёдкор", Ўзбекистон). 25та ўйин, 19та гол (Transfermarkt.de бўйича нархи - 500.000 евро)
У ўз голлари билан жамоасини чемпионликка етаклаб келди, мавсумнинг энг яхши тўпурари бўлди. Натижада Ўзбекистон футбол федерацияси президенти Мираброр Усмонов уни миллий терма жамоага жалб қилиш ҳақида гапирди: "Пишер Ўзбекистон фуқаросига айланиб, миллий терма жамоада ўйнашини истардим", деди у. Аммо Пишур: "Мен — украиналикман", дея ушбу таклифни рад қилди.