«Ливерпул» устози Брендан Роджерс мураббийлик фаолиятида Жозе Моуриньонинг хизмати катта эканини таъкидлади.

«Агар у бўлмаганида бу ерда ўтирмаган бўлармидим. Жозе менинг дўстим. 2004 йилда мен «Челси»да ишлашим мумкин эди. Ўшандан биз танишганмиз ва тезда тил топишганмиз.

У сабаб ўзимга бўлган ишонч ошганди. Мен ундан ҳар қандай деталга диққат билан қараш керак эканини ўргандим. Жозе «Челси»да ишлаган вақтида у иштирок этган барча матбуот анжуманларида қатнашар эдим. Бундай жойларда у ўзини жуда яхши тутади»,- дейди мураббий.