Facebook ижтимоий тармоғида нигериялик саккиз нафар футболчининг «Бунёдкор» либосида бир жамоа бўлиб тушган суратлари пайдо бўлди. Суратлар ўзини нигериялик футбол агенти дея таништираётган Жерри Стив (Jerry Steve) томонидан жойлаштирилган.
Саккиз нафар футболчининг барчаси «Бунёдкор» футбол клубининг экипировкаси билан таъминланган. Суратлар орасида футболчиларнинг Ўзбекистондаги машғулот майдонларидан бирида шуғулланаётгани тасвирлари ҳам бор. Футболчиларнинг келаётгани ҳақидаги статуслар 2 декабрдан бошлаб ёзила бошланган.
Нигериялик футболчилар гуруҳи Тошкентда © facebook.com/jerry.steve.79
Шунингдек, Жерри Стив ҳар бир футболчи билан, футболчи қандайдир қоғозларга қўл қўяётгани ҳолда, алоҳида-алоҳида суратга ҳам тушиб чиққан. Суратларга қолдирилган изоҳларга кўра, футболчилар Жерри Стив билан шартнома имзолаётган вақтда суратга тушишган. Жерри Стив томонидан қолдирилган хабарларга асосланиладиган бўлса, у Ўзбекистонга 10дан ортиқ нигериялик футболчини олиб келган, бироқ уларнинг аниқ сони ҳозирча номаълум.
Уче Селестин (чапда) ва Жерри Стив © facebook.com/jerry.steve.79
