Ўзбекистон терма жамоаси ҳужумчиси Максим Шацких фаолиятини Украинанинг «Говерла» жамоасида давом эттириши мумкинлиги ҳақида хабар берган эдик. Футболчи бугун бу хабарни тасдиқлади.

– Музокаралар қандай давом этмоқда?
– Ҳаммаси жойида. Мен ҳеч қачон орқага қадам ташламайман. Мавсумнинг қолган қисмида спорт формамни тиклаб олишим керак. Агар ҳаммаси яхши бўлса, балки келаси йил бошқача мақсадлар билан майдонга тушармиз.

– Клуб сизнинг иқтисодий талабларингизни қондиришга тайёрми?
– Ҳа. Раҳбарият билан барча масала юзасидан гаплашдик. Қандайдир кичик муаммо бўлмаса, ҳаммаси жойида. Тушуниш керак ҳозир нафақат футболда, балки бутун мамлакатда инқироз давом этмоқда»,- дейди Максим.