"Атлетико Минейро" ҳужумчиси Роналдиньо "Палмейрас" клуби қизиқиш доирасига кирди, дея хабар бермоқда Sky Sports.
Клуб директори Хосе Карлос Бруноро ҳам ушбу хабарни тасдиқлаган.
"Нега Роналдиньо каби футболчига қизиқаётганимиз тушунарли албатта. Аммо муаммо шундаки, уни ўз сафида кўрмоқчи бўлган биргина биз эмасмиз. Қайд этиш керак, ҳозир молиявий эҳтиёткорлик шароитида иш юритяпмиз. Шу боис ўйинчининг юқори маоши йўлимизга ғов бўлиши мумкин.
Нима бўлганда ҳам, агар Роналдиньо "Атлетико"дан кетишни истаса, биз албатта унга таклиф билан чиқамиз", - дейди Бруноро.
Қайд этиб ўтамиз, Роналдиньо мавсумда 14 ўйин ўтказиб, 7та гол урган.
