"Манчестер Юнайтед"нинг Премьер-лигадаги омадсиз иштироки клубнинг акциялари нархи 220 миллион фунтга арзонлашишига олиб келди, деб ёзади Telegraph.

Руни, ван Перси ва Янгнинг хизматларидан фойдалана олмаётган Англиянинг амалдаги чемпионлари акциялари 10.68 фунтдан 9,36 фунтга арзонлашган. Шунга қарамай, S&P 500 индексида "Юнайтед"нинг умумий ҳисобда 2 фоизга ўсишга эришгани қайд этилган.

6 декабр ҳолатига кўра, клубнинг нархи 1,75 миллиард фунтни ташкил этаётганди. Орадан деряли бир ой ўтиб - 4 январда бу нарх 1,53 миллиардга тушган.