"Базел" бош мураббийи Мурот Яқин клуб билан янги шартномага имзо чекди. Бу ҳақда расмий ахборот клуб сайтидачоп этилган.

39 ёшли швейцариялик мутахассис ҳозирги жамоада 2015 йил 30 июнига қадар ишлайдиган бўлди. Шартномада муддат яна бир йилга чўзилиши мумкинлиги қайд этилган.

Аввалроқ Яқиннинг "Тоттенҳэм", "Лацио" ва "Ганновер" клубларини бошқариши мумкинлиги ҳақида бир қатор хабарлар матбуотда кўриниш берганди. Эслатиб ўтамиз, Яқин 2012 йилнинг октябр ойидан буён "Базел" бош мураббийи сифатида ишлаб келмоқда. Ўтган йили баҳорида у Швейцария чемпиони бўлди, жамоасини Европа лигасининг яримфиналига олиб чиқди.

Бу мавсумда эса эамоа ЕЧЛда икки бор "Челси"ни мағлубиятга учратди, шунга қарамай гуруҳ босқичида иштирокини якунлади.