Карло Анчелоттининг ёрдамчиси Зинедин Зидан ҳеч қачон Жозе Моуриньо қўл остида ишламаслигини эълон қилди. Бу ҳақда мутахассиснинг "Canal+"га берган интервьюсидан Goal.com иқтибос келтирмоқда.
"Анчелоттидан барча табиий равишда мамнун. Мен у билан клубга келмасидан бир неча кун олдин телефонда гаплашгандим. Барча масалаларни келишиб олганмиз. Бу мен учун, унинг учун ҳам, қолаверса клуб учун ҳам яхши бўлганди.
Ўзим танимаган мураббий билан бундай ишламаган бўлардим. Мисол учун, мен ҳеч қачон Моуриньонинг ёрдамчиси бўла олмайман. Бундан ташқари, унинг ёрдамчиси бор", - дейди Зидан.
