"Олмалиқ"нинг Тошкентда олиб бораётган машғулотлари давом этмоқда.
Кунига икки маҳалдан машғулот олиб бораётган жамоа футболчилари бугун "Футбол-Мед"да тиббий кўрикдан ўтишади. Тушдан кейин одатдагидек машғулотлар давом этади.
8 январь куни дастлаб "Бунёдкор" билан назорат баҳси ўтказилса, кечки пайт ЎФФ ҳакамлар қўмитаси мутахассислари иштирокида семинар ташкил этилади. Унда жамоа мураббийлар штаби ва футболчилар ўйин қоидаларидаги ўзгаришлар ҳақида маълумотга эга бўлишади.
Жамоада яна бир ўзгариш бор. Тошкентдаги йиғинда жамоа мураббийлар штабига Александр Ежов ҳам қўшилди. У жамоада мураббий-селекционер лавозимида иш юритади.