«Атлетико» бош мураббийи Диего Симеоне Испания кубогининг 1/8 финали доирасидаги «Валенсия»га қарши ўйиндан кейин ўз фикрлари билан ўртоқлашди. Хабарингиз бор, ўйинда 1:1 ҳисобидаги дуранг натижа қайд этилган эди.
«Валенсия» кўп ҳужум қилди. Биз яхши ҳимояландик ва керакли натижага эришдик. Имкониятлар 50/50.
«Валенсия» голдан кейин 2-3та имкониятга эга бўлди. Куртуа ҳар доимгидек жуда яхши ўйнади. Раул Гарсия ҳам фаол ўйнади.
Шогирдларим барча мусобақада яхши ўйнашмоқда ва бундан фахрланаман. «Валенсия» ҳақида гапирадиган бўлсам, улар яхши ўйнашмоқда. Жамоа чемпионатда учинчи ўрин учун кураша олади»,- дейди мураббий.
