ФИФА хавфсизлик қўмитаси вакили Ралф Мутшкенинг таъкидлашича, келишилган ўйинлар дунё бўйлаб болалаб кетган.
«Мен 33 йил полицияда ишладим ва ФИФА мени ишга таклиф қилди. Авваллари ҳам деярли шундай ишлар эдим. Фақат қуролимни ташладим холос.
Мен наркотикларни қўлга олиш билан кўп ишлаганман. Шуни айтишим мумкинки, келишилган ўйинларга полиция наркотик савдоси каби катта эътибор бермайди. Яқинда Швецарияда собиқ наркотик савдогари билан учрашдим ва у менга шундай деди: «Ҳозир келишилган ўйинлар билан шуғулланяпман. Бу ишдан ҳам наркотик савдосидагидай яхши фойда оляпмиз. Қайтанга келишилган ўйинларда камроқ таваккал қиламиз». Кўриб турганингиздан бунга кўпчилик эътибор бермайди. Келишилган ўйинларга қарши курашиш осон эмас»,- дейди Мутшке.
