"Атлетико Минейро" ҳужумчиси Роналдиньо "Бешиктош"га ўтишни рад этган ҳолда ўз клуби билан шартномасини узайтирди.
"Мухлислар ташвишланишганди, аммо йигитча уларни яхши кўради. Шунинг учун ҳам шартномасини узайтирди", деб ёзда клуб президенти Алешандре Калил ўз твиттерида. Бу ҳақда хабар тарқатган клуб расмий сайтида шартнома қанча муддатга узайтирилгани ва шу каби бошқа зарур маълумотлар келтирилмаган.
Эслатиб ўтамиз, Роналдиньо ушбу клуб сафиа 2012 йилдан буён тўп сурмоқда. Аввалроқ унинг "Бешиктош"га ўтишга рози бўлгани ва турк клуби билан 2,5 йил муддатга шартнома имзолаётгани ҳақидаги хабарлар бразилиялик мухлисларни хавотирга солганди.
