«Челси» бош мураббийи Жозе Моуриньо жамоа ярим ҳимоячиси Эден Азарнинг ҳеч қаерга кетмаслигини таъкидлади.

«Менимча, Азарнинг «Челси»ни тарк этиши учун ҳеч қандай имконияти йўқ. Айниқса унинг қанча туришини ҳисобга оладиган бўлсак, бунга ишониш қийин.

Унинг 40 миллиондан қимматга сотиб олингани мен учун қизиқ эмас. Муҳими шундаки, у жамоанинг етакчиларидан бири ва Азар билан хайрлашиш ҳақида ўйлаб ҳам кўрганимиз йўқ.

Азарнинг ҳали ривожланишига ишонамна. Аввал у жамоада ҳаммадан ёмон шуғулланар эди. Вақт ўтиб эса ҳақиқий профессионалга айланиб бормоқда»,- дейди мураббий.

Аввалроқ Азарнинг «Челси»даги жамоадошларидан бирига ёзда «ПСЖ»га ўтишини айтгани ҳақида хабарлар тарқалган эди.