Жанубий Корея терма жамоаси ҳамда «Байер» клуби ҳужумчиси Сон Хин Мин рус журналистларига жаҳон чемпионати ҳақида интервью берди.
Эслатиб ўтамиз, жаҳон чемпионатининг Н гуруҳида Жанубий Корея, Жазоир, Россия ва Бельгия терма жамоалари кейинги босқич учун кураш олиб боришади.
«Гуруҳимизда Бельгия ва Россия кучли кўринмоқда. Бельгия жаҳондаги кучли терма жамоалар қаторига киради. Уларнинг таркибида жуда кўп юлдузлар бор. Ўтган йили Дубайда Россия билан ўйнагандик. Ўшанда руслар асосий таркибни майдонга туширмаган ҳолда 2:1 ҳисобида ғалаба қозонишганди. Шундан билиш мумкинки, жаҳон чемпионатида бизга осон бўлмайди.
Рус футболчиларининг юзлари ва рақамларини эслаб қолганман, лекин биз учун уларнинг фамилиясини талаффуз қилиш жуда қийин. Шунинг учун бирор футболчини алоҳида кўрсата олмайман»,- дейди футболчи.
