«Барселона» бош мураббийи Херардо Мартино «Атлетико»га қарши ўйиндан кейин ўз фикрлари билан ўртоқлашди.
«Месси ва Неймар ўйинга тайёр эмасдилар, шунинг учун уларни захирада қолдирдим. Месси режадагидан олдинроқ майдонга тушди. Бунга сабаб Иньестанинг жароҳат олгани бўлди.
Умуман олганда лиганинг етакчи жамоаси билан дуранг натижани яхши десак бўлади. Биз ғалаба қозонишни хоҳладик, лекин ниманидир ўзгартиришим мумкин эмасди.
Қишки чемпион бўлдик? Мен сизга айтсам ҳеч ким биринчи даврада чемпион бўлган жамоани эсламайди. Мен жамоа билан ёзги чемпион бўлишни холайман. Менимча, «Атлетико» чемпионат охирига қадар ғолиблик учун курашади»,- дейди мураббий.