"Насаф" жамоаси Туркиянинг Анталия шаҳрида қишки ўқув йиғин машғулотларини бошлаб юборди. Йиғинда 25та футболчи иштирок этаяпти. Эртага яъни 13 январь куни улар хорижий йиғиндаги биринчи назорат учрашувини ўтказишади.
Аввал хабар берганимиздек "Насаф" жамоаси Анталияда 7та назорат учрашуви ўтказишни режага киритган. Эртага илк назорат учрашуви Албаниянинг "Кукеси" жамоасига қарши ўтказилади. Учрашув 15:00да бошланади.
"Кукеси" футбол клуби Албаниянинг шимолий шарқида жойлашган Кукес шаҳрига тегишлидир. Ушбу клуб Албаниянинг супер лигасида қатнашади. 2012/13 йилги мавсумда 2-ўринни эгаллаган. Жамоа сафида Аргентиналик, Руминиялик ва Македониялик легионер футболчилар фаолият юритишади.
Барча "Насаф" мухлислари номидан эртага бўладиган назорат учрашувида "аждарлар"га омад тилаб қоламиз.
