"Милан" бош мураббийи Массимилиано Аллегри бугун клуб президенти Сильвио Берлускони ва вице-президент Адриано Галлиани билан учрашади. Milan News`нинг хабар беришича, томонлар 48 ёшли мутахассиснинг клубдаги келажагини муҳокама қиладилар.
Кеча жамоа "Сассуоло"дан мағлубиятга учраганидан хабарингиз бор. Шундан сўнг хориж матбуотида клуб вице-президенти Барбара Берлусконининг интервьюси жуда кенг тарқалди. "Милан" расмий сайтидан Берлускони хонимнинг фикрларини келтириб ўтсак:
"Тезда ўзгариш керак. Бу билан ҳеч қаерга бориб бўлмайди. Мухлисларимизга бундай натижалар кўрсатаверишни бас қилишимиз керак".
Президент қизининг ушбу фикрлари ўйиндан кейинги матбуот анжумани Аллегрига маълум қилинди. Аввалроқ бош мураббий бу мавсум унинг учун фаолиятидаги сўнггиси бўлишини эълон қилганди.