Олмалиқда халқаро стандартларга мос келувчи спорт аренаси қуриб битказилди. Бундан кейинги мавсумларда “Олмалиқ” меҳмонларни 12 минг кишига мўлжалланган трибунали майдонда қабул қилади. Бу ҳақда “Правда востока” газетасига асосланиб Daryo интернет-нашри хабар бермоқда.
Фото: ЎзА
Аренанинг ёнгинасида иккита спорт зали жойлашган. Уларнинг биттасида спортчилар футбол, баскетбол, волейбол, қўл тўпи бўйича машғулотлар олиб бориши мумкин. Иккинчиси эса спортнинг яккакураш турлари: бокс, таэквондо, каратэ, дзюдо, самбо ва кураш билан шуғулланишга мўлжалланган. Ушбу мажмуа усти ёпиқ ва очиқ теннис корти, сунъий чим ётқизилган футбол майдонини ҳам ўз ичига олган.
Аренанинг тантанали очилиш маросими Наврўз байрами арафасига белгиланган.
