Туркияда ўқув-йиғин машғулотлари ўтказаётган “Насаф” жамоаси бугун навбатдаги учинчи назорат учрашувини ўтказади. Ушбу назорат учрашувида "Насаф"нинг рақиби Қозоғистоннинг олимпия терма жамоаси бўлади.

Назорат учрашуви ҳар доимгидек бизнинг вақт билан кеч соат 18:00да бошланади. Бунгача "аждарлар" иккита назорат учрашув ўтказганидан мухлисларнинг хабари бор, Рўзиқул Бердиев шогирдлари ўтган ҳар иккала учрашувда ҳам бир хил 2:1 ҳисобида ғалаба қозонишган эдилар.

Эслатиб ўтамиз, Анталиядаги йиғин 26 январгача давом этади, йиғинда 25 футболчи иштирок этаяпти.  Бугунги бўладиган назорат учрашувидан ташқари яна тўртта назорат учрашувлари ўтказиш йиғин режасига киритилган. "Насаф"нинг бундан кейинги рақиблари “Спартак-Нальчик” (Россия), “Ворскла” (Украина), “Поханг Стилерз” (Ж.Корея) ва  “Карпати” (Украина) клублари бўлиши мумкин.

Барча мухлислар номидан "Насаф" жамоасига бугунги назорат учрашувида ҳам омадлар тилаб қоламиз.