«Челси» бош мураббийи Жозе Моуриньо Англия чемпионати 22-туридан ўрин олган «Манчестер Юнайтед»га қарши ўйин олдидан ўз фикрлари билан ўртоқлашди.

«Биз чемпионга қарши ўйнаймиз, етакчидан 11 очко ортда қолаётган жамоа билан эмас. «Юнайтед»ни енгсак, бу менинг 100-ғалабам бўлади. Бунга ҳаракат қилиб кўрамиз.

Жамоа яхши ўйин кўрсатмоқда ва биз ғолиблик учун охиригача курашамиз. Англияда ҳар дам олиш кунларида юқори даражадаги ўйинларни кўриш мумкин.

Ван Перси ҳамда Руниларнинг майдонга тушишини хоҳлаган бўлардим. Мен энг яхшиларга қарши баҳслашсам дейман.

Лэмпард жамоа билан шуғулланмоқда. Балки у майдонга тушар, лекин Иванович ва Матич ўйинни ўтказиб юборишади»,- дейди мураббий.