«Боруссия Д» бош мураббийи Юрген Клопп йилнинг энг яхшиларини тақдирлаш маросимида Златан Иброҳимович билан нималарни гаплашганини маълум қилди.
«Златан жуда ажойиб футболчи эканига шубҳа қилмайман. Ҳар қандай мураббий ўз жамоасида бундай футболчининг бўлишини хоҳлайди. У ҳазил тариқасида бизнинг жамоага текинга ўтишга ҳам рози эканини таъкидлади.
Унинг айтишича, аввал Дортмундда футбол клуби бор эканини билмаган экан. Ҳозирда эса бизнинг ўйинимизни завқ билан томоша қилишини ҳам айтди. Ҳаммаси шу»,- дейди мураббий.
Эслатиб ўтамиз, Клопп ўтган йилнинг энг яхши мураббийи бўлишга номзод бўлган эди. Златан эса йилнинг энг чиройли голи учун аталган «Пушкаш» совринини қўлга киритди.
