"Локомотив" БААдаги ўқув-машғулот йиғини доирасида ўзининг тўртинчи назорат учрашувини ўтказди. Бу сафар Фузайлов шогирдлари анча жиддий жамоа — Донецкнинг "Шахтёр" жамоаси рақиблик қилди.

Ўйин давомида ташаббусга эришган Луческу шогирдлари кичик фарқ билан ғалаба қозонишди. Ўйиннинг бошида ҳимоячиларимиз Адрианони жарима майдончаси ичида қаровсиз қолдиришди ва бразилиялик ҳужумчи "Локо"ни жазолади. Бўлим тугаши арафасида эса Иван Нагаев яратилган имкониятдан унумли фойдаланиб, ҳисобни тенглаштирди.

Ўйин тугашига 13 дақиқа қолганида эса Тўхтахўжаев ўз жарима майдончаси ичида рқаибни йиқитди. Пенальтини эса Тайсон голга айлантира олди. Ўйин тугашига 6 дақиқа қолганида Иброҳим Раҳимов ҳимоячи Соболнинг хатосидан кейин тўпни эгаллаб олиб, Пятов билан бирга-бир вазиятга чиқиб борди. Андрей эса тўпни эгаллаб олди.

Назорат ўйини
"ЛОКОМОТИВ" - "ШАХТЁР" (Украина) - 1:2
Голлар: Адриано (5), Тайсон (77-пен.) — Иван Нагаев (45)
"Локомотив": 12. Темур Ғаниев, 5. Анвар Ғофуров (Шерзод Шарипов 60), 3. Евгений Гоголь (Бобур Йўлдошев 46), 6. Жасур Ҳасанов - кичик (Салим Мустафоев), 77. Жасур Ҳасанов - катта (Икром Алибоев 60), 17. Ислом Тўхтахўжаев, 13. Лутфулла Тўраев, 14. Андрей Кожокарь (Виктор Карпенко 46), 19. Ислом Иномов (Иброҳим Раҳимов 60), 23. Иван Нагаев (Вячеслав Шевченко 46), 18. Сардор Мирзаев (Акмал Холматов 46)
"Шахтёр": 32. Каниболоцкий, 33. Срна (к), 27. Чигринский, 44. Ракицкий, 31. Исмаили, 6. Степаненко, 89. Дентиньо, 7. Веллингтон, 29. Тейшейра, 10. Бернард, 9. Луис Адриано
Захирадан тушганлар: 30. Пятов, 14. Кобин, 38. Кривцов, 4. Воловик, 95. Соболь, 3. Хюбшман, 8. Фред, 77. Илсиньо, 28. Тайсон, 11. Эдуардо