Англиянинг «Манчестер Сити» клуби собиқ бош мураббийи айни вақтда «Галатасарой»да ишлаётган Роберто Манчини жамоа ўйини ҳақида фикр билдирди.

«Сити» Англиянинг энг яхши жамоаларидан бирига айланганидан хурсандман. Чунки уни мен қурганман. Пеллегринининг ажойиб мураббий эканига шубҳа қилмайман, лекин жамоанинг ҳозир кўрсатаётган ўйинини биз уч йил олдин тузиб чиқганмиз.

Агуэро, Яя Туре, Жеко ва Давид Сильваларни мен сотиб олганман. У ердаги фаолиятимдан хурсандман. «Сити» мухлисларини яхши кўраман. Улар билан ажойиб дамларни ўтказдик. Ўтган йил яхши ўйин кўрсата олмадик. Чунки «МЮ» ван Персини сотиб олди»,- дейди мураббий.