Франция терма жамоаси Евро-2016 мезбони бўлишига қарамай, ушбу мусобақа саралаш босқичида иштирок этади.

Гибралтар УЕФА аъзоси сифатида қабул қилинганидан кейин Европа футбол оиласи аъзолари сони 54тага етди. Шу йилнинг февраль ойида ташланадиган қуръа натижасига кўра, жамоалар 9та гуруҳга бўлинишади. 8та гуруҳда 6тадан жамоа ўрин олса, битта гуруҳда 5та жамоа жой олади. Франция эса 5та жамоа ўрин олган гуруҳга қўшилади ва ўйинларда иштирок этади. Аммо унинг ўйинлари ўртоқлик ўйини мақомида бўлади ва натижалар инобатга олинмайди.

Эслатиб ўтамиз, Евро-2016да жами 24та жамоа иштирок этади. Ўз гуруҳларида 1 ва 2-ўринни эгаллаган жамоалар ва 3-ўринни эгаллаган жамоалар орасида энг яхши кўрсаткичга эга бўлган яна бир терма жамоа тўғридан-тўғри Европа чемпионати йўлланмасини қўлга киритади. Қолган 8 жамоа эса 4та ўрин учун плей-офф баҳсларида иштирок этишади.