Кеча ҚЮЛнинг 16-тури доирасида “Насаф” футбол клубининг ОЧЛ-2014 плей-офф учрашвидаги рақиби “Ал-Жайиш” жамоаси сафарда “Ал-Садд” жамоасига қарши майдонга тушди. Эслатиб ўтамиз, жамоани яқинда қабул қилиб олган тунислик мутахасис Набил Маънул учун бу илк ўйин эди.

Учрашув биринчи бўлимида ўртадаги ҳисоб очилмади. Янги мураббий доимги таркибда деярли ўзгариш қилмади, фақат ўтган учрашувда хатоси туфайли жамоа дарвозасига киритилган голга “ҳаммуаллифлик” қилган 3-рақамдаги ҳимоячи Абдулла Айеш ёйинки майдонга тушмади, балки заҳира ўйинчилар рўйхатига ҳам киритилмади.

Учрашувнинг иккинчи бўлими голларга бой бўлди. ўйиннинг 48-дақиқасида “Ал-Жайиш”нинг 10-рақамдаги франциялик ҳужумчиси Кембо Экоко учрашувдаги ҳисобни очди ва ўз жамоасини ҳисобда олдинга олиб чиқди – 0:1. Орадан атиги бир дақиқа ўтиб, меҳмонлар ҳисобда иккита гол билан олдинга ўтиб олишди, “Ал-Жайиш”нинг иккинчи голига ҳар ўйинда майдонни голсиз тарк этмайдиган 29-рақамдаги ҳужумчиси Муҳаммад Мунтари муаллиф бўлди – 0:2.

55-дақиқага келиб энди майдон эгалари ҳисобни қисқартиришга эришдилар - 1:2. Ушбу голдан кейин “Ал-Жайиш” мураббийи учрашувдаги ҳисобни қандай бўлмасин сақлаб қолиш мақсадида майдонда ҳаракат қилаётган  ҳужумчиларни ўрнига ҳимоячиларни майдонга туширди, Кембо Экоко ўрнига ҳимоячи Рами Фаёз, бразилиялик ҳужумчи Вагнер Риберо ўрнига эса ҳимоячи Муҳаммад Жабрилар майдонга туширилди. Албатта жамоанинг руҳий ҳолатига кетма-кет мағлубиятлар ўз таъсирини кўрсатаётган эди, шунинг учун бугун қандай бўлмасин ғалаба қозониш зарур эди. Шунингдек иккинчи бўлимида жамоанинг иккинчи голини киритган Муҳаммад Мунтари ҳам 11-рақамдаги Дияб Ҳасан Алинабига алмаштирилди.

“Ал-Жайиш”нинг янги мураббийи Набил Маънул шундай қилиб, ўз мақсадига эришди ва у бошчилигидаги жамоа сафарда “Ал-Садд” жамоасини мағлубиятга учратиб муҳим уч очкони қўлга киритишди. Ушбу ғалабадан сўнг улар 27 очко тўплашиб, турнир жадвалининг 2-поғонасига кўтарилиб олишди, турнир жадвалида эса ҳамон "Ал-Садд" жамоаси худди шунча очко тўплаган ҳолда карвонбошилик қилаяпти. Шунингдек улар битта кам ўйин ҳам ўтказишган.

24.01.2014. ҚЮЛ, 16-тур. Жассим Бин Ҳамад стадиони
“Ал-Садд” - “Ал-Жайиш” 1:2 (0:0)
Голлар (Ал-Жайиш): Кембо Экоко, Муҳаммад Мунтари
“Ал-Жайиш”: 33. Ахмад Суфиён, 23.Холид Абдул Рауф, 4.Андерсон Виера Мартинс,  2.Мурод Нажи,  7.Весам Ризқ,  10.Кембо Экоко (Рами Фаёз 63), 12.Мажид Муҳаммад, 37.Сеул Ки Го, 20.Вагнер Риберо, 21.Али Санад, 29.Муҳаммад Мунтари
Заҳирадагилар: 92.Сауд Ал-Хотир, 6.Рами Фаёз, , 5.Муҳаммад Аҳмад Жабри, 11.Дияб Ҳасан Алинаби, 8.Юсуф Муфтаҳ, Абдулраҳмон Акбар.

ҚЮЛнинг кейинги тури 28 январь куни бошланади, шу куни “Ал-Жайиш” ўз майдонида “Ал-Ҳараитиат” жамоасини қабул қилади.