Ўзбекистон чемпионатига тайёргарлик кўраётган ҳамшаҳарларимиз “Бунёдкор” ва “Нефтчи”га қарши иккита ўртоқлик ўйинида ғалаба қозонгач, кейинги икки назорат учрашувида имкониятни бой берди. 23 январь куни "Металлург" жамоасининг асосий таркиби пойтахтимиздаги "Чилонзор" стадионида “Пахтакор” 1:4 ҳисобида ютқазиб қўйган бўлса, эртаси куни ёшлар таркиби Янгиерда олий лигага қайтган Муборакнинг  “Машъал” клуби иккинчи таркибига 0:3 ҳисобида бой берди.

Айни пайтда ҳар куни икки маҳалдан машғулотларда қатнашаётган бекободликлар 29 январь куни Тошкентда йиғин ўтказаётган “Навбаҳор” билан куч синашади.

“Металлург” футбол клуби февраль ойининг 15-санасидан эътиборан йиғинни Туркияда – Анталияда давом эттиришни режалаштирмоқда. Футболчиларимиз хориж сафарида ўқув-машғулотлари билан бир қаторда 3 та ўртоқлик ўйинида майдонга тушишади.