"Челси" бош мураббийи Жозе Моуриньо яримҳимоячи Хуан Матанинг "МЮ"га сотиб юборилганини клубнинг молиявий аҳволи билан изоҳлади.
"Жамоадаги барчамиз Хуанни ҳурмат қиламиз, у - катта иқтидор. Майдонга кам тушаётгани учун кетишни истаётганини айтганида биз уни бу имкониятдан маҳрум қилмасликка қарор қилдик. Унинг фаолияти муваффақиятли бўлишини истаймиз, бундан ташқари ушбу трансфер клубнинг молиявий аҳволи нуқтаи назаридан муҳим эди.
Хуаннинг асосий рақибимиз сафига қўшилаётганига қарамай, унинг Англияда қолаётганидан хурсандмиз. Премьер-лига шундай иқтидорли ўйинчини йўқотмайдиган бўлди. "Челси"нинг барча аъзолари номидан Матага сафимиздаги ажойиб фаолияти учун раҳмат айтмоқчиман, унга омад тилайман", - деди Моуриньо.