Лондоннин «Арсенал» клуби Puma билан беш йиллик шартнома имзолади. Бу ҳақда Теlegraph хабар бермоқда.

Манбада айтилишича, «Арсенал» бу вақт давомида 150 миллион фунт олади. Бунақаси Британия футболи тарихида бўлмаган экан. Жамоа 2003 йилдан буён Nike билан ҳамкорлик қилиб келаётган эди ва йилига 8 миллион фунт оларди.

Бу борада «Арсенал» жаҳонда ҳам биринчи ўринга кўтарилди. Таъкидлаш жоизки, Nike «Барселона»га йилига 27 миллион фунт тўласа, «Реал» Adidas'дан ҳар йил 31 миллион фунт олади. Эндиликда «Арсенал» Puma ишлаб чиқарган кийимларни кийгани учун йилига 34 миллион фунт олади.