Чеченистон президенти Рамазон Қодиров Сочи олимпиадасидаги ҳакамлик ҳақида фикр билдирди.

«Мен мухлисман. «Рубин» билан ўйинда ўз ҳиссиётларимни жиловлай олмадим. Ўша куни ҳакам мен айтган гапларга муносиб эди (Ўша ўйинда Қодиров ўйинни бошқариб борган ҳакамни сотилган деб микрофонда айтган эди), лекин тан оламан буни баралла айтишим керак эмасди.

Агар олимпиадада ҳам сотилган ҳакамлар учраса, уларни «эчкилар» (козёл) деб аташ керак. Чунки бу мусобақада ғолиб бўлиш ва мамлакат шарафини ҳимоя қилиш учун спортчилар узоқ тайёрланишади. Спортчиларнинг меҳнатларини ҳурмат қилмаган ҳакамлар ҳурматга лойиқ эмас.

Кимлар мендан қўрқади? Мени ҳурмат қилганларни ҳурмат қиламан. Мендан эмас қонундан қўрқиш керак»,- дейди Қодиров.