«Челси» бош мураббийи Жозе Моуриньо жамоанинг бу йил премьер лигада ғалаба қозона олмаслигини таъкидлади. Мураббий эртага бўладиган «Вест Ҳэм»га қарши ўйин олдидан ўтказилган матбуот анжуманида 51 ёшга тўлгани муносабати билан журналистларни шампан виноси билан меҳмон қилди.
«Сиз ичишингиз керак, чунки биз ўсмоқдамиз. Жамоа анча ривожланди. Ҳаммаси яхши давом этмоқда.
Менимча, биз бу мавсумда чемпионатда ғалаба қозона олмаймиз. Бу мавсумдаги бизнинг вазифамиз жамоа қуриш. Жамоа қуриш билан бирга натижалар ҳам яхши бўлиши керак. Европа лигасида ўйнаш ривожланиш эмас, етакчидан 20 очко ортда қолиш ҳам ривожланиш эмас. Жамоа жиддий ўйинларда қатнашиб ривожланиши мумкин»,- дейди мураббий.
