Режага кўра "Навбаҳор" бугун Бекободнинг “Металлург” клуби билан куч синашди. Учрашув бундан бироз вақт олдин якунланди. Ўйинда 1:0 ҳисобида “Металлург” ғалаба қозонди.

Бекободликлар ҳал қилувчи голни баҳс охирларида пенальтидан киритишди. Ушбу вазиятда Ботир Тўрабоев жарима майдончаси ичида рақибини тирсаги билан туртиб юборгани учун пенальти белгиланди.

Мураббийлар штаби “Металлург”га қарши ўйинда “Бунёдкор”нинг ёш футболчиларидан бири Камрон Кападзени иккинчи бўлимда синовдан ўтказишди. Футболчини жамоада қолиш ёки қолмаслиги борасидаги ҳозирча бир нарса дейиш қийин.

“Металлург”га қарши учрашувни наманганликлар қўйидаги таркибда ўтказишди: Дониёр Усмонов, Қаҳрамон Маҳаммаджонов (Маҳсуд Ҳайитов), Тимур Яфаров, Азим Аҳмедов, Роббим Ҳасанов, Раҳматулло Бердимуродов, Отабек Валижонов, Абдумалик Абдуллаев, Собир Ҳамидов, Илҳом Бойдедев, Азизбек Ғуломхўжаев.
Иккинчи бўлимда майдонга тушганлар: Хуршид Хўжаев, Камрон Кападзе, Шавкат Насибуллаев, Акбаршо Рашидханов, Аъзам Алиев, Элёр Жаҳонов, Ботир Тўрабоев, Камолиддин Тожибоев.

“Металлург”га қарши ўйинда бетобликлари сабабли Абюхон Ғаппаров, Соҳиб Абдуллаев, Исмоил Исмоилов, Муҳаммад Расулов ва яқиндагина яна “Навбаҳор”га қайтган Алишер Маҳмудовлар иштирок эта олишмади. Шунингдек, Қаҳрамон Маҳаммаджонов ҳам ўйиннинг биринчи бўлимида жароҳат олиб майдонни тарк этишга мажбур бўлди.

"Навбаҳор" навбатдаги назорат учрашувини 2 феврал куни Муборакнинг “Машъал” клубига қарши ўтказади.