Бугун "Динамо" Тошкентдаги йиғин доирасидаги сўнгги ўйинни ўтказди. "Олмалиқ"қа қарши ўйинда Равшан Ҳайдаров шогирдлари мағлубиятга учрашди.

Ушбу ўйинда самарқандликлар сафидаги янги легионер - Молдова термаси ҳужумчиси Анатолий Дорош майдонга туширилиб, мураббийлар синовидан ўтказилди.

Ушбу ўйин билан Тошкентдаги дастлабки йиғинга якун ясалди. Жамоа кўригида бўлган Самандар Шодмонов, Алишер Маҳмудовлар жамоани тарк этишди.

Пойтахтдаги биринчи йиғин давомида, «Динамо» жамоаси «Пахтакор» (1:3), «Сўғдиёна» (0:0), «Бухоро» (1:1) ва «Олмалиқ» (2:0) клубларига қарши майдонга тушиб, икки дуранг ва икки маротаба мағлубиятга учради.

Қисқа танаффусдан сўнг, жамоа яна Самарқанддан Тошкентга келиб, ПФЛ Кубогида иштирок этишни режалаштирган.

Назорат учрашуви.
«Олмалиқ» - «Динамо» - 2:0
Голлар: З.Пиримов (6), Ш.Мирзаев (65).
«Динамо»: А.Мельничук, О.Нурбоев, И.Маматказин, А.Бозоров, А.Агалиев, А.Холмуродов,И.Хайров, К.Шарофутдинов, С.Шихов, А.Дорош, Ф.Шотурсунов.
Захирадан майдонга тушганлар: И.Михайлов, Ф.Абдусалимов, Д.Жабборов, Ф.Бобоқулов, И.Холмирзаев,М.Лоқаев.
Четлатиш: Фирдавс Абдусалимов, 86.