"Насаф"нинг ОЧЛ плей-оффидаги рақиби — Қатарнинг "Ал Жайиш" жамоасига янги тунислик мураббий келгач, ҚЮЛнинг кейинги уч турида кетма-кет ғалабани қўлга киритди. 31 январь куни ўтказилган навбатдаги турда “Ал-Жайиш” клуби сафарда "Ал Вакра"ни йирик 4:1 ҳисобида мағлубиятга учратди.

"Ал Жайиш"нинг бразилиялик янги легионери 9-рақамдаги Нилмар Да Силва дебют ўйинидаёқ "дубл"га эришган бўлса, Муҳаммад Жидо ва франциялик 10-рақамдаги ўйинчиси Кембо Экоколар биттадан гол киритишди.

Клубнинг бугунги тарқатган хабарларига кўра нигериялик Кале Учега жавоб берилди, у  жамоани тарк этган. Кале Уче энди “Ар-Райян” жамоасининг шарафини ҳимоя қилади.

"Ал-Вакра" жамоаси билан бўлган учрашувда майдонга яна бир бразилиялик ҳужумчи 20-рақамдаги Вагнер Рибейро ва жамоанинг ҳужумчиси Муҳаммад Мунтарий майдонга туширилмади. Бу ҳақда мураббий уларнинг тайёргарлик машқларининг бирида жароҳат олганлиги туфайли ҳамда ушбу ўйинда бошқа тактика қўллагани учун майдонга туширилмаганини таъкидлаб ўтган.

ҚЮЛнинг 18 тури ортда қолди. “Ал-Жайиш” жамоаси битта ўйин кўп ўтказган ҳолда ҳозир 33 очко тўплаб, турнир жадвалининг 2-поғонасида бормоқда. Турнир жадвалини эса “Лахвия” клуби 40 очко билан бошқариб бормоқда.

“Ал-Жайиш” жамоаси навбатдаги учрашувини ўз майдонида 4 февраль куни ОЧЛ-2014 плей офф учрашувидан олдин “Муайзер” жамоасига қарши ўтказади. Эслатиб ўтамиз, плей офф учрашуви 8 февраль шанба куни бўлиб ўтади.