Самарқанднинг Биринчи лигадаги "Шердор" ва "Регистон" клублари ўз фаолиятини тўхтатмоқда. Самарқанд вилоят шаҳар ҳокимиятида бўлиб ўтган навбатдан ташқари йиғилиш айнан мана шу мавзуда бўлиб ўтди. Олинган хабарларга кўра, навбатдаги мавсумда ҳар икки жамоа ҳам Биринчи лигада иштирок этмайди. Ҳали клуб расмийлари бу хабарни тасдиқламаган бўлса ҳам бу борада аниқ қарор қабул қилинган.

Янги режага кўра виоятда Биринчи лигада битта клуб ташкил этилади ва барчаси "Динамо" клуби тасарруфида бўлади. Ушбу клуб фарм-клуб мақомига эга бўлиб барча молиявий масалалар бош клуб ихтиёрига ўтади. Ушбу клубга ҳам Фирдавс Каримов раҳбарлик қилса, "Динамо" жамоаси бош мураббийи Равшан Ҳайдаров ҳам ушбу янги тузилаётган клубга ҳам мураббийликни олиб боради.

Эслатиб ўтамиз, бу борада ҳали аниқ қарор клуб расмийларидан эълон қилинмаган.