«Манчестер Юнайтед» ҳужумчиси Робин ван Перси ёзда собиқ жамоаси «Арсенал»га қайтиши мумкин. Бу ҳақда Daily Mail хабар бермоқда.
Манбада айтилишича, Фергюсон ва Рене Мелестеннинг кетиши футболчига ёқмаган. Бундан ташқари у янги шаҳардаги ҳаётга мослаша олмаяпти. Шуни ҳам таъкидлаш жоизки, ван Персининг Дэвид Мойес билан ҳам алоқаси яхши эмас.
Мойес ёзда жамоани тубдан ислоҳ қилмоқчи ва катта эҳтимол билан ван Перси ҳам қора рўйхатга тушади. Лекин унинг келагажи Уэйн Рунининг қолиш-қолмаслигига ҳам боғлиқ.
Трансфернинг тахминий баҳоси 15 миллион фунт деб айтилмоқда. Шу ўринда Арсен Венгер ҳам ўзининг 30 ёшдан катта футболчиларни сотиб олмаслик қоидасига ҳам ўзгартириш киритиши мумкин.
