«Манчестер Сити» бош мураббийи Мануэль Пеллегрини Англия чемпионати 24-туридан ўрин олган «Челси»га қарши ўйин ҳақида фикр билдирди.
«Энг муҳими, майдондаги ҳаракатлар. Ҳар бир мураббий шогирдларининг у айтган ўйинни кўрсатишини хоҳлайди ва мен бу борада хотиржам бўлишим мумкин. Моуриньо биз ҳақимизда нима деганини биламан, лекин унинг сўзларини изоҳламоқчи эмасман. Шогирдларимга доим уқтираман, ким билан ўйнашнинг қизиғи йўқ.
«Челси»га қарши кечган биринчи даврадаги ўйинда биз хатога йўл қўйдик ва имкониятни бой бердик. Ундан кейин бизнинг ўйинимиз ўзгарди. Статистика ҳам буни тасдиқлайди.
Шу ўринда бизни енгилмас жамоа дейиш ҳам ноўрин. Бундай жамоа бўлмайди»,- дейди мураббий.
